Бидний тухай
Гэгээн хүүхэд залуусын хөгжлийн төв-д тавтай морил!
"Гэгээн ХЗХТ" төв нь Монголын хүүхэд залуусын хүсэл тэмүүллийг шууд болон шууд бус замаар дэмжих зорилготой хөгжлийн төв юм. Бид боловсрол, ажил болон бизнес эрхлэлт, нийгмийн харилцааны таатай орчинг бүрдүүлэх замаар залуу үеийн хөгжлийг дэмжиж ажилладаг.
Манай байгууллага нь 2021 онд байгуулагдсан бөгөөд Монголын хүүхэд, залуучуудын хөгжил, сайн сайхан байдлыг хангах үйлст зориулсан байгууллага юм. Бид бүхий л хүүхэд, залуусыг өөрийн нөөц бололцоогоо бүрэн дүүрэн ашиглан хөгжих боломжтой дэмжлэгтэй орчныг бүрдүүлэхийг зорьдог.Бид хүүхэд, залуучуудыг ирээдүйн манлайлагч, шинэчлэгч, нийгмийн өөрчлөлтийн эзэд хэмээн үздэг. Тиймээс бид тэдний авьяас чадвар, хүсэл тэмүүллийг хөгжүүлэх, эрс өөрчлөгдөж буй дэлхийд амжилттай ажиллаж, амьдрах чадвартай болгоход чиглэсэн боловсрол, эрүүл мэнд, нийгмийн халамж, манлайллыг дэмжих хөтөлбөрүүдийг хэрэгжүүлдэг.
Бидний зорилго
Залуу үе
Хүүхэд залуучуудыг ялгаварлан гадууралт болон хүчирхийллээс ангид эрүүл аюулгүй орчинд ажиллах, сурч хүмүүжихэд чиглэсэн үйл ажиллагааг зохион байгуулах.
Боловсрол хөгжил
Бага болон их дээд боловсролын байгууллагын хөгжлийг дэмжиж ажиллах, судалгаа шинжилгээ хийх, хамтарсан хөтөлбөр хэрэгжүүлэх.
Байгаль орчин
Байгаль орчныг тогтвортой хамгаалахад чиглэсэн үйл ажиллагааг зохион байгуулах, сурталчлах, түүнд иргэдийн идэвхтэй оролцоог дэмжих,
Төрийн бус байгууллагын хөгжил
Монгол улсад үйл ажиллагаа явуулж буй бусад төрийн бус байгууллагыг хөгжлийг дэмжсэн үйл ажиллагаа, төсөл хөтөлбөр хэрэгжүүлэх.
БИДНИЙ ТУХАЙ
Манай баг
Залуучуудыг хөгжүүлэх хүсэл эрмэлзэлтэй, туршлагатай мэргэжилтнүүдээс бүрдсэн дэлхийн ажилтнуудтай танилцана уу. Төрөл бүрийн авъяас чадвартай бид бүгд хамтдаа Монгол улсын боловсролд хувь нэмэр оруулахын төлөө зүтгэдэг.
Б.Дашдорж
ТэргүүнБоловсрол, Банк санхүүгийн салбарт 20 жил ажилласан туршлагатай.
П.Пүрэвзул
Гүйцэтгэх захиралБоловсрол, гадаад харилцааны салбарт 20 жил ажилласан туршлагатай.
Д.Ариунаа
Үйл ажиллагаа хариуцсан менежерБоловсрол, хүний нөөцийн чиглэлээр 19 жил ажилласан туршлагатай.
Ч.Ундармаа
Үйл ажиллагаа хариуцсан менежерБоловсролын салбарт 18 жил ажилласан туршлагатай.
Гадаад хамтын ажиллагаа
IIE (Institute of International Education)
Тус байгууллага нь 1919 онд байгуулагдсан, олон улсын боловсрол, судалгаа, тэтгэлэг, академик солилцоог дэмждэг байгууллага юм. IIE нь оюутан, судлаачдын хамтын ажиллагааг өргөжүүлж, дэлхий даяар боловсролын хөтөлбөрүүдийг хэрэгжүүлдэг, олон улсын сүлжээ байгуулах, санхүүжилт олгох үйл ажиллагаа явуулдаг.
Kaplan International Languages
Kaplan нь хэлний ур чадварыг сайжруулах, төгсөгчдийг гадаад оронд суралцахад бэлтгэх, англи хэл, франц хэл, испани хэл зэрэг хэлний сургалт хийдэг. Тус байгууллага нь өөрийн сургалтын төвүүдийг АНУ, Их Британи, Австрали, Канад, Шинэ Зеланд болон бусад орнуудад байрлуулж, олон улсын оюутнуудад дэлхий даяар хэлний чадвараа дээшлүүлэх боломж олгодог.
British council
Дэлхийн 100 гаруй оронд ажилладаг Британийн боловсролын энэхүү байгууллага нь англи хэлний IELTS шалгалт, EnglishScore, Англи хэлний хичээлүүд зэрэг олон улсын хөтөлбөрүүдийг хэрэгжүүлдэг.
Дотоод хамтын ажиллагаа
Манай байгууллага нь Монгол улсын хувийн болон төрийн өмчит их сургуулиудтай боловсролын төсөл хөтөлбөр хамтран хэрэгжүүлж хамтран ажиллаж байна.
Гадаад хамтын ажиллагаа
Nagoya University
Японы Айчи мужийн Иначо хотод байрлах хувийн их сургууль бөгөөд эдийн засаг, бизнес, менежмент, мэдээллийн технологи чиглэлээр мэргэшсэн. 1983 онд байгуулагдсан тус сургууль нь практик сургалтад суурилсан хөтөлбөрөөрөө алдартай. NUE нь оюутнуудаа бизнесийн салбарт өрсөлдөхүйц чадвартай, олон улсын түвшинд сэтгэх сэтгэлгээтэй мэргэжилтэн болгох зорилготой. Оюутнууд дадлага хийх боломж, ажлын байрны бэлтгэл, гадаадын их сургуулиудтай хамтарсан солилцооны хөтөлбөрүүд-ээр дамжуулан олон улсын туршлага хуримтлуулах боломжтой.
Nagoya University of Economics (NUE)
Японы Айчи мужийн Нагоя хотын ойролцоо байрлах хувийн их сургууль бөгөөд эдийн засаг, бизнес, менежмент, мэдээллийн технологи зэрэг чиглэлээр мэргэжилтэн бэлтгэдэг. Оюутнуудад практик ур чадвар эзэмшүүлэх, олон улсын хөдөлмөрийн зах зээлд өрсөлдөх боломж олгох сургалтын системтэй.Элсэлт: NUE нь олон улсын болон япон оюутнуудад бакалавр, магистрын хөтөлбөр санал болгодог. Гадаад оюутнууд япон хэлний мэдлэг шаардлагатай бөгөөд элсэлтийн шалгалт, эссэ, ярилцлага зэргийг өгч тэнцэх ёстой.Суралцах орчин нь ажлын байр бэлдэх хөтөлбөр, дадлага, солилцооны хөтөлбөрүүдээрээ алдартай.
NUCB Business school
Японы тэргүүлэгч хувийн их сургууль бөгөөд бизнес, менежмент, олон улсын харилцаа чиглэлээр мэргэшсэн. 1953 онд байгуулагдсан энэ сургууль нь Азидаа анхдагч AACSB (Association to Advance Collegiate Schools of Business) магадлан итгэмжлэлтэй бизнесийн сургуулиудын нэг юм. NUCB нь олон улсын оюутнуудад зориулсан Англи хэл дээрх MBA хөтөлбөр нь (Harvard Business School загвар) ашигладаг бөгөөд оюутнууд бодит бизнесийн асуудлыг шийдвэрлэх замаар суралцдаг.
Та бидний үйл ажиллагаанд нэгдэж, хамтран ажиллахыг хүсвэл бидэнтэй холбогдоно уу!
Монголын ирээдүйг дэмжих аливаа их үйлсэд нэгдсэн танд баярлалаа. Бид хамтдаа хүсэл сонирхол, итгэл үнэмшил, хүч хөдөлмөрөө нэгтгэн ирээдүйн сайн сайхны төлөө гэсэн бүхэнд чадах чинээгээрээ туслах болно.
+976 - 7211 4094
+976 - 9906 6859
dashdorj.b@gegeen.org
Монгол улс, Улаанбаатар хот, ЮуБиЭч тауэр, 1219 тоот